Fri 4th August 2006, 9:42 am
都有一段時間無寫blog la,皆因老婆返左外家,見面時間比較少,日頭又要返工.返到屋企已經十點幾,沖完涼就想瞓.老婆成日話我唔寫blog,得佢自己係到猛寫,睇完我咁寫就唔好話我咁多.
澄澄滿月後我好想整番本相簿,成日無時間..禽晚終於搞掂,可以release俾朋友睇. 條link係 :
http://www.flipviewer.com/popup/bluepage/?opf=http://www.irenekwan.com/ebook/month.opf&ver=Gen&lng=en
AND
http://www.flipviewer.com/popup/?opf=http://www.irenekwan.com/ebook/bb.opf&ver=FlipAlbum
老婆星期六就會由西環返香港仔,相信到時我就有排忙.夜晚餵奶時我就會寫多d blog.
Thu 20th July 2006, 2:50 am
今日係澄澄擺滿月既日子,咁佢又出世一個月,時間都過得好快.一朝早起身餵佢食奶,跟住奶奶八點零就黎到拜神,好快就走左.而媽咪都九點零黎到,收拾埋個薑醋煲,仲整埋`look`柚葉比我同澄澄`抹蘇`,跟住就預備出西環飲茶.
飲完茶後返屋企再pump奶餵埋澄澄後,就出發去利寶閣,因為老公話想去番我地結婚間酒樓都食滿月呢餐飯,我都覺得好有意義.
去到carrie, stella, 細佬同老公就打麻雀.媽咪,阿寶,老豆同我就睇住澄澄.跟住老爺,奶奶,阿彬同maggie係七點零鐘黎到.由於祖婆唔舒服,所以係屋企休息,等埋姨仔黎到,就差唔多入席.
兩家人中第一次有一個咁細既bb,所以澄澄就自自然然成為最受歡迎人物,尤其係carrie, stella咁成日抱住佢.我亦都樂得有人幫我睇住佢,我可以稍為休息.唔使日以繼夜咁照顧佢.因為夜晚果輪真係會好累,好攞命.
不過今日冇訓過晏覺,而我亦都唔想澄澄食奶粉食得咁密(係酒樓食左兩餐奶粉),所以十二點果餐又比左人奶佢.點知佢中間食食下又唔食,一點零先再繼續食晒4oz,咁而家就快三個鐘,都唔知應該再坐熱d奶比佢食,定係佢會再遲d至食.不過佢又岩岩兩點零鐘至訓著.搞到我又唔可以訓住,有d攞苦黎辛.但我又好鬼眼訓,已經有d魂不附體.
Wed 12th July 2006, 12:02 am
b女個名已經confirm,老公好有心機,近來整左張大既moisac全家福之餘(不過我覺得麻麻地,因為幅相睇落去都唔清楚),又特別為澄澄整左本記事簿,將d相同係個blog所寫既事輯錄成一本書仔,好有紀念價值.
|
