逐漸舒適的湊b生活
澄澄與我 2007/03/28 20:51 澄澄出世前及後,我們的生活節奏已經轉變了好多次.現在澄澄九個月大,突然覺得湊b生活輕鬆了好多.例如澄澄現在唔駛成日瞓,係搭車時就唔駛經常抱住佢.佢自己可以四圍望來望去. 熱天時唔會因為抱住佢而焗到心口出熱痱.
仲有澄澄夜晚瞓覺時間長左好多,而家朝早唔駛俾佢噪醒,呢兩日佢瞓到成集死豬,唔肯起身.叫醒佢,甚至幫佢換片都唔肯醒.所以我地就趁佢瞓唔醒,拿拿林抱佢出北角.搭車出到去都係八點,時間見駛好多,唔駛浪費係塞車到. 我可以係亞媽度食埋早餐先返工,而老婆可以眠多成半個鐘.
所有一切都係向好,我真係好享受呢一刻輕鬆的天倫之樂.
仲有澄澄夜晚瞓覺時間長左好多,而家朝早唔駛俾佢噪醒,呢兩日佢瞓到成集死豬,唔肯起身.叫醒佢,甚至幫佢換片都唔肯醒.所以我地就趁佢瞓唔醒,拿拿林抱佢出北角.搭車出到去都係八點,時間見駛好多,唔駛浪費係塞車到. 我可以係亞媽度食埋早餐先返工,而老婆可以眠多成半個鐘.
所有一切都係向好,我真係好享受呢一刻輕鬆的天倫之樂.
TAG 爸爸心聲
Trackback Address :: http://www.irenekwan.com/matblog/Photalk/trackback/356
