改名之爭
澄澄與我 2006/06/27 23:55好搞笑呀,今晚聽到老婆同老媽子為左阿女既名而發生爭執. 嘻嘻嘻嘻~~~~事發經過係我係廚房洗奶樽之際,聽到電話響,我叫老婆聽電話,佢好唔願意,尤其係打電話黎果個係我阿媽,因為佢嫌我阿媽長氣.佢拿住電話,應酬式的語氣同我阿媽寒暄幾句.然後走到客廳,再寒暄幾句又走到廚房,好似想我快d聽電話.好在我仍然洗梗奶樽,至可以聽到改名之爭.
我聽到老婆講`我唔信呢d,我唔會再同你講`.我心知不妙,放下手上工作,叫老婆比電話我聽.一拿起聽筒就聽到阿媽一連串既笑聲,阿媽話呢個傻女好鬼直,只不過叫佢改過名,由樂澄改做愉澄,話咁樣個名先合付風水,但我老婆竟然話`我唔信呢d野,我唔同你講.`我當然撑我老婆,因為個名係我改既.我叫老媽子不用太迷信,即時改變話題,才平息了此次爭執. 唉~~~~~夾係中間真係難做.
TAG 爸爸心聲
Trackback Address :: http://www.irenekwan.com/matblog/Photalk/trackback/14
