五歲生日

香港仔與我 2007/04/07 03:17

香港仔係來緊星期日便是牠五歲生日,我們plan左放低澄澄係媽咪到,然後便同香港仔行吓山.當然會俾d好野俾佢食. 雖然無打算同佢開birthday party,但都諗住買個新的狗袋作為生日禮物.
香港仔,happy birthday
top
TAG
回應

香港狗公園遊

香港仔與我 2007/04/07 03:07

今日一家大細陪香港仔去香港唯一的狗公園玩樂.狗公園顧名思義是俾主人同d寵物散步玩樂的地方,而香港是第一次有專為狗仔而設的公園(好多公園都唔俾狗入),難怪一入到公園門口,就見到好多好多狗隻和牠們的主人在公園玩樂.雖然無計算過有幾多隻狗,但在步行時經過的每處地方都有很多狗.

狗隻的種類更是層出不窮,不但有平時在寵物店經常見的狗隻,如歌姬,史納莎,西施,貴婦,金毛等等,連平時好少機會見的鋼毛爹利,古牧羊等也隨處可見.甚至有d唔認識的種類也在公園裡.

公園的地方雖然唔係太大,但絕對是一個狗隻溜連的好地方.在公園裡有用木板的道路,也有綠油油的草地.勁多愛狗之人及狗隻主人在公園內拍照留念,更有些拍友在公園裡拍攝不同狗隻趣緻的動態.當日更見到一d好似影會d人,有model同狗隻拍攝活動,好鬼死熱鬧.

香港仔好開心係公園內亂跑亂跳.有時與其他狗隻你追我逐,有時互相吠叫.最搞笑的畫面是香港仔俾隻古牧羊嚇倒而落荒而逃...下次一定要帶埋nice一齊去狗公園玩.
top
TAG
回應

狗仔心理病

香港仔與我 2007/03/06 10:24

由於農曆新年期間會係爸媽家瞓一兩晚,所以帶左香港仔返北角.香港仔係媽媽和弟兄的悉心照顧下,其實是相當的幸福,因為不管是甚麼的天氣, 媽和弟牠總會帶牠外出散步. 狗隻外出相信是十分愉快的事,從香港仔每次準備外出時的雀躍興奮表現可見一斑.


過完年都有成兩個多星期,但我們仍未接香港仔回家.近期發覺香港仔有些異常的行動,每次當我回家時,牠會嘈的很厲害,聽媽媽說牠更咬了我的表嫂一口, 從來聽話,未有咬人紀錄及得人寵愛的香港仔,竟然咬人,真係令我非常驚訝及不可置信.幸好表嫂只時輕傷,打過針後無事.我追問當時的情況,是否有些行為導致香港仔有如斯舉動.但媽說沒有.


香港仔就如我和太太的兒子,我們十分擔心,我打算這星期天帶牠回家,希望牠只是發脾氣要牠在北角,以後不要再咬人…..
top
TAG
回應

覺醒

香港仔與我 2006/12/08 22:09


好耐無同香港仔映相,特別當澄澄出世後,更加忘記要幫香港仔留番多d相. 香港自出世後兩個多月就俾我地買番黎到現在,已經有五年多,回想自己還是孤家寡人時,每當感到孤單時,總有香港仔陪伴左右.人家說我們的一年相等於狗隻的七年.香港仔已經三十多歲,還要比我年長.理應我同佢好好傾,但我就是忽略了他.

在爸的家中偶爾拿起相機,隨便的拍了幾張.晒左出黎,望左好一會兒,才有這樣的覺醒,以後要好好看待香港仔.
top
TAG ,
回應 (1)

我屋企隻狗

香港仔與我 2006/10/01 13:00

Sat 1st July 2006, 10:54 pm




我屋企有隻狗,叫做香港仔.b女出世返左屋企之後,我發覺香港仔有d異常既行為.好似佢本身識係狗廁所大小便,但b女返黎既時候佢就專登隨地賴尿.佢呢d行為令我地都好擔心,但我地知道我地要照顧佢一世,唔會因為有b女而忽略佢.

今日朋友黎探我地,我發覺香港仔好開心,其實我都好開心,朋友雖然係探我老婆同b女,但其實個主角係香港仔.因為個個朋友都同佢玩,因為佢既乖同純令到d訪客都鍾意佢.希望佢可以因為咁樣而消除妒忌心.
top
TAG ,
回應 (2)
前一頁 : [1] : [2] : 下一頁